Un candidato de CHA será o primer d’a lista CHA-IU t’as eleccions espanyolas

En caso de quitar nomás un diputau CHA y IU podrian alternar-se en ocupar o puesto en o Congreso

Nieves Ibeas y Adolfo Barrena en rueda de prensa conchunta (FOTO: nievesibeas.wordpress.com)

Nieves Ibeas y Adolfo Barrena en rueda de prensa conchunta (FOTO: nievesibeas.wordpress.com)

O comité nacional de CHA y o Consello politico de IU fación publico que ya ye trancau o prencipie d’alcuerdo dentre os dos partius ta presentar-se chuntos a las eleccions espanyolas d’o 20-N. Os dos organos aprebaron iste alcuerdo que ferá que una presona de CHA siga a capeza de lista por Zaragoza, circunscripción an que podrian tener posibilidatz de obtenir diputau.

L’alcuerdo estara t’as tres circunscripcions y se rematará de trancar ista semana en una reunión. Os dos partius valoran a posibilidat de “esfender dende a cuchas os intreses d’Aragón”.

Sobre o candidato garra d’os partius ha quiesto adebantar cosa, fueras de que estará un candidato de CHA, encara que  o candidato más probable ye Chesús Yuste, que estio diputau en Cortz mientres quatre lechislaturas. En o numero dos irá un miembro de IU, y de no quitar que un diputau en dos anyos se produciria o cambeo como CHA ha gosau fer en as eleccions europeas que ha concurriu en coalición, fueras d’as zagueras en que obtenió ripresentación que no ocupó o suyo escanyo.

2 Rispuestas a Un candidato de CHA será o primer d’a lista CHA-IU t’as eleccions espanyolas

  1. Sin dandaliar ye una sobrebuena notizia. Si la cucha d’aragón ye capaz de no perder-se en biellas istorias de malquerer y resentimiento.
    Ye muito important nimbiar una boz d’Aragón ta Madrit y acotolar d’una begada con iste bipartidismo que nos afoga. Si la Birchen nos aduya, dica dos diputaus podemos nimbiar, muito me parexe a yo pero ye posible

  2. ospa, pues sí que yes optimista, Chuanrralla, sisquiera tiengas razón! A verdat ye que ista coalición ye una de as pocas cosas que fan ilusión de cara ta o 20N. O pior, o tsunami azul que diz que viene: como tiengan mayoría absoluta, poco podrá fer ixe deputau…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.