Un choven deteniu en Pirineos Sur por expresar a suya opinión

O deteniu podría remanir dica 72 horas engarcholau en Chaca a l'aspera de chudicio por decir a la Guardia Civil de Sallent de Galligo que os delincuents son os dirichents politicos.

(Foto: Arainfo)

Un choven ha resultau deteniu mientres desfrutaba d’o Festival Pirineos Sur, que se ye desembolicando entre as localidatz de Lanuza y Sallent de Galligo (Alto Galligo). O que pareixeba una nueit de borina ha rematau en una situación surrealista, en a qual culle a posibilidat de que dita persona pase dica tres días deteniu por un intercambeo pacifico de parecers animando a os Cuerpos de Seguranza d’o Estau espanyol a que prenan consciencia de l’actual situación socioeconomica, y sobre o suyo posicionamiento respective a o “lugar”.

Transcorreba tranquilament a nueit en o camping de Sallent dimpués d’a celebración d’o concierto d’Emir Kusturica y The No Smoking Orchestra a nueit d’o 21 de chulio, y enmarcau en o Festival de verano de Pirineos Sur. Una dotación d’os Cuerpos y Fuerzas de Seguranza d’o Estau espanyol feba ronda por o camping, a ronda se repetiba y se tornaba a repetir. A situación pareixeba extralimitada t’o contexto festivo que rodea a os festivals.

A partir d’astí s’han succediu os feitos. Tres d’as personas allí presents han intentau establir comunicación con dita dotación ta intresar-se por ixa inquietut en tener o camping tant controlau, a la fin lo solo que yeran aconseguindo yera fer que as personas que allí reposaban se sentisen como delincuents baixo control, indicando-les que realment os verdaders delincuents yeran en unatro costau, y amás son qui dirichen as politicas d’o país, d’o estau y o mundo. O que pareixeba estar una situación tranquila y anecdotica derivó en surrealista, os achents procedioron a identificar a ditas personas, a denunciar a dos d’ellas – aspecto que ye pendient de confirmación, pues solo existe que comunicación verbal por parte d’os achents – y levar-se detenida a la tercera persona.

O deteniu, una vez en a garchola, ha solicitau o Habeas Corpus ta pasar immediatament a disposición chudicial, s’entiende que ta accelerar o proceso de declaración y mesa en libertat – seguntes informan as suyas companyeras qui han acudiu tamién a os chudgaus, encara que no han puesto charrar con ell – y asinas s’ha procediu. Ha estau tresladau a os chudgaus de guardia d’o municipio altoaragonés de Chaca, an le ha estau asignada una advogada de oficio. A chueza s’ha limitau a indicar que o procedimiento ha estau seguiu correctament y que a detención yera legal, deixando unatra vez a o deteniu baixo custodia d’os Cuerpos de Seguranza d’o Estau espanyol. L’advogada ha informau a las acompanyants d’o deteniu que puede estar acusau dende una falta lieu de respecto a l’autoridat dica una mas grieu de resistencia a la mesma, y que amás puede estar de 48 a 72 horas deteniu antes de tornar a pasar a disposición chudicial nuevament. As acompanyants, seguntes han informau a AraInfo, no dan credito a o que ye ocurrindo, o que prencipió con un interesant y animau concierto ha continau con o suyo companyero incomunicau dica tres días en prisión y con a incertidumbre de varias pinyoras y una acusación encara indeterminada.

Fuent: http://arainfo.org/2012/07/lanuza-aragon-hasta-72-horas-en-el-calabozo-por-expresar-pacificamente-una-opinion/

Una rispuesta a Un choven deteniu en Pirineos Sur por expresar a suya opinión

  1. Nos la cojemos con papel de fumar. Es normal encararse con un policía que esta haciendo su guardia!? Acaso vamos a molestar al maestro cuando hace un dictado? Revolucionarios de concierto.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.