Un choven detiene a un violador en Chaca

Un choven de 30 anyos encorre y detiene a un agresor sexual que prebaba de violar a una muller en Chaca. L'agresor ye en prisión provisional

Chaca. Foto: Wikimedia Commons

O domingo de maitins, a las 6:30 h. en a ciudat altoaragonesa en pleno Paseu Constitución, una muller de meyana edat se menaba ent’o treballo quan un zagal de 18 anyadas la enristió por dezaga, la forció y la levó enta un parque amanau con a intención de violar-la. A muller podió chilar, pero l’agresor le tapó as vías respiratorias ta evitar que tornase a chilar y la deixó semiinconscient.

Un choven de 30 anyos que tornaba ta casa a ixas horas ascuitó o chilo d’a muller y s’amanó t’o parque, viyendo a o violador forciando con a muller. O mesache le dició que la deixase en paz y l’agresor eslampó d’astí. O mesache encorrió a o violador dimpués de comprobar que a muller yera bien.

L’agresor, que pareixeba haber consumiu drogas y/u alcohol, estió alcanzau en a universidat, do dimpués d’una breu peleya quedó reduciu. A policía plegó en o puesto dimpués de recibir a trucada d’a muller y buscar a os dos chovens.

O lunes pasau l’agresor pasó a disposición chudicial y o martes pasó una rueda de reconoiximiento. Dimpués de comprobar que a suya identidat yera correcta, o chuez ha decretau prisión provisional en aspera de chuicio.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.