Un curtometrache en aragonés, trigau ta un certamen escolar aintro d’el Festival de Cine de Zaragoza

Totz es videos fetos per es ninos de Sant Chuan se pueden viyer en Youtube

image

El Festival de Cine de Zaragoza ha trigau el curtometrache en aragonés “La cursa del submarino“, feto per es ninos que fan clase d’aragonés en la escuela de Sant Chuan de Plan, ta participar en la I Edición d’el Certamen “Encuentro de Escolares 2012”. Ta este certamen s’ha seleccionau tamién atros vente curtometraches, de diferents centros escolares. Las procheccions se ferán el diya 30 de noviembre en el salón d’actos de la Residencia Chovenil Baltasar Gracián (C/ Franco y López, 4, de Zaragoza) a partir de las 16:30h. La entrada ye libre.

Es alumnos de Sant Chuan van fer iste treballo en zaguerías d’el curso pasau, en las clases d’aragonés que imparte Javier Vispe en ixa escuela, como en la resta d’escuelas d’el Colechio Rural Agrupau “Cinca-Cinqueta”. De feto, es borches que d’Aragonés de Laspunya, Bielsa, Saravillo, Plan, Sant Chuan y Chistén van producir siete curtos bien pinchos, an que, amás, podemos sentir l’aragonés local de cadaún d’istes lugars. La resta de curtos, que tamién se van presentar a’l concurso, tienen es sucherents titols de “Ataque alienichena”, “Terror en Pineta”, “Cheleras de verano”, “Els lamins periglosos”, “Dos capins en l’autopista” y “El consello d’es zombis y d’es hombres lobo”. Totz ells se pueden viyer en youtube (http://www.youtube.com/user/zylojz/videos?flow=grid&view=0). Las actividatz que fan estes ninos y el buen troballo d’el suyo mayestro en las clases d’aragonés se pueden siguir tamién en el blog “La clica del Cinca-Cinqueta” http://aclica.wordpress.com/.

4 Rispuestas a Un curtometrache en aragonés, trigau ta un certamen escolar aintro d’el Festival de Cine de Zaragoza

  1. ¡Mersi per publicarlo! Se van presentar uns 50 troballos en total, de los que 7 yeran nuestros. A la fin, un 14% de curtos en aragonés. ¡Ta diyas se torna a viyer ixe percentache!

  2. Clica, Fetz muita honra a l’aragonés y ye un muit poliu curtometrache. Veyeré totz! Felicidatz per o vuestro treballo. 🙂

  3. Pingback: Curtometrache “La cursa del submarino” feto per as ninas y ninos de Sant Chuan de Plan | AraInfo | Achencia de Noticias d´Aragón

  4. quan vaic veure nens parlan l’aragones vaic pllorar d’alegria, crec que el gran problema es la visibilitat tots tenim que trencar la invisibilitat politica. un peto fablencs.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.