Un deteniu y bells ferius por cargas policials en l’escrache a o faixismo en Zaragoza

As cargas policials y a detención s'han produciu dimpués d'as menazas de bells neonazis quan se'n iban en auto pasando a o canto d'a concentración

20Antifaixismo-300x232

Foto: AraInfo

A las 11.00 horas d’iste maitín yera previsto o prencipie d’a concentración nazi d’a Liga Joven, as choventutz d’o MSR, pero ya dende as 9.30 horas una vintena de neonazis s’arroclaban en as escaleras d’o Paraninfo, puesto d’a concentración, de forma no autorizada, como asinas l’ha confirmau un mando policial a AraInfo.

A la mesma hora una treintena d’antifaixistas plegaba en o mesmo puesto con a intención de protestar por a presencia de grupos faixistas en as carreras d’a capital aragonesa. Cosa mas plegar-ie un cordón de policías antidisturbios han identificau a os y as antifaixistas que heban desplegau una pancarta en a quala se leyeba ‘Prou d’agresions faixistas’. A tamás d’a presencia policial continaban plegando personas en a concentración antifaixista que ha arroclau a mas d’un centenar mientres tot o maitín.

Arredol d’as 11.00 horas, os neonazis han quitau banderas d’a Liga Joven y han coreyau consignas que han estau silenciadas por as y os antifaixistas a o chilo de “Nazis no” y “Au faixistas d’as nuestras carreras”. Mientres unas dos horas s’han intercambiau chilos, dica que arredol d’as 13.00 horas os neonazis han desconvocau l’acto. En ixe momento os antidisturbios han obligau a os antifaixistas a desaloixar y han cargau contra ells. Mientres as cargas un antifaixista ha estau deteniu y tresladau ta comisaría, bells mas han resultau ferius, beluns d’ells han habiu de recibir asistencia medica.

Cal remerar que dende fa bells días distintas organizacions han prebau de que Delegación no autorizase a concentración nazi alertando d’os periglos que suposa ceder espacios publicos a os grupos ultra, fendo referencia a l’agresión sufrida o pasau sabado por un ciudadano d’o vico zaragozano d’as Delicias perpetrada presumiblement por ultras que asistioron a un mitin de Falange en un centro civico de dito vico. Pero a tamás d’as denuncias y d’o manifiesto en protesta sinyau por organizacions como Coagret, CGT Aragón, Coordinadera Antifaixista, Puyalón de Cuchas, Izquierda Anticapitalista, Stop Desahucios, Chunta Aragonesista y Juventud Sin Futuro, entre atras, finalment Delegación de Gubierno autorizó a concentración d’a Liga Joven.

Puyalón de Cuchas, en conoixer a noticia d’a legalización, presentó un recurso a on solicitaban a desautorización de dita concentración, Delegación de Gubierno contestó a iste recurso asegurando que “no suposa un periglo ta l’alteración de l’orden publico” sin parar cuenta que o mesmo día, a la mesma hora y a tasos 200 metros s’iba a realizar un pasacarreras (enmarcau en a Semana de Luita contra os transchenicos) convocau por movimientos ecolochistas d’a cucha aragonesa. Debant d’ista respuesta Puyalón sinyaló que “resulta paradochico que Delegación de Gubierno viede una manifestación por a intención de discurrir por a carrera Alfonso, puesto de residencia de Dolores Serrat y en iste caso remaneixcan impasibles”.

Fuent: http://arainfo.org/2013/04/un-detenido-y-varios-heridos-por-cargas-policiales-en-el-escrache-al-fascismo-en-zaragoza/

Una rispuesta a Un deteniu y bells ferius por cargas policials en l’escrache a o faixismo en Zaragoza

  1. Agora mesmo acabo de veyer una colla de neonazis. En el pub Luxury x el casco creo que en la calle elcano o algo así, alguien sabe algo?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.