Un diario murciano diz que a Ley de Luengas d’Aragón cuesta cuasi 25 millóns d’euros

O diario 'La Opinión de Murcia' mete a Ley de Luengas como eixemplo d'os malfurries d'as admenistracións publicas

A noticia ha apareixiu publicada hué en o diario La Opinión de Murcia en un articlo sobre os excesos que bellas administracións publicas estatals han cometiu mientras os zaguers anyos y meten d’eixemplo a Aragón “En Aragón, por eixemplo, o Gubierno d’a Comunidat destinó siet millóns d’euros a campanyas institucionals de propaganda ta explanicar a suya chestión y aplicó una Ley de Luengas que contempla l’aragonés y o catalán como luengas ‘propias y historicas’ que cuesta cuasi veincinco millóns” afirman en o diario.

Istos datos pareixen estar fundaus en un articlo que publicó lo diario La Razón o 24 de noviembre de 2009 titulau como “Imposar o catalán en Aragón costará 25 millóns a l’anyo” y que completaban con o titular “O PP denuncia que a Ley de Luengas d’o PSOE regula ‘idiomas sin uso'”.En ixe mesmo articlo se publicaba que seguntes os calculos d’o PP “caldría contratar a 782 personas -465 ta l’aragonés y 317 t’o catalán-. Con ixo y una retribución de 31.000 euros anyals -sueldo meyo d’un funcionario autonomico grupo A y nivel 22 -o gasto anyal laboral sería, a lo menos, de 24,2 millóns a lo que caldría sumar atros como a retulación de muitas carreras”.

Un buen eixemplo de que istas cifras no son ciertas ye que programas como lo Jesús Moncada d’actividatz extraescolars en catalán s’han aturau. D’atra man, os mayestros d’aragonés como actividat extraescolar aintro d’o programa Nieus Luzía Dueso Lascorz tienen medrana de que a l’atro’l anyo aturen tamien iste, seguntes afirmó un d’istos mayestros en una entrevista concedida a Fendo Orella. A más, iste mesmo mayestro afirmaba en ixa mesma entrevista que os costes que suposan o programa Nieus Luzía Dueso t’o Gubierno d’Aragón son minimos.

Fuent: http://www.laopiniondemurcia.es/opinion/2012/01/28/quitan-manos/381576.html

7 Rispuestas a Un diario murciano diz que a Ley de Luengas d’Aragón cuesta cuasi 25 millóns d’euros

  1. Pingback: Un diario murciano ditz que a Ley de Luengas d’Aragón cuesta cuasi 25 millóns d’euros | Arredol - La Franja

  2. Pingback: Un diario murciano dice que la ley de lenguas de Aragón ha costado casi 25 millones de euros [Aragonés]

  3. A lo menos se charra de l’aragonés! Me foi ista cuestión: s’aplica a lay de luengas en o que toca a l’amostranza? bi ha estadísticas? Se cumplen os plazos que marca ra lay?

  4. A respuesta, posatero, ye no, no y no. 🙁

  5. Idontgiveafuck

    Si cuando se dicen tantas barbaridades sobre los murcianos y sus origenes es por algo

  6. Se nota que son ben informaus… No le den más vueltas: no dixa de ser la típica campanya de los voceros d’ixe nacionalismo espanyol tan democrático i tolerant que de contino mira d’arrambllar con lo diferent. Los murcians de a peu no tienen brenca de culpa. I dimpués, cllaro, ye normal trobar-te gen que se creiga que l’aragonés ha siu un invent de quatro rodabasas astá per los anyos 70 u que te diga sin que se lui caigan pas los anillos que l’euskara ye un dialecto.

  7. Ya son atra vegada os murcianos metendo mal d’os aragoneses…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.