Un diputau suizo creya un grupo parlamentario romanche pa reforzar o paper d’a luenga

O romanche estió reconoixiu como o quarteno idioma oficial de Suiza en 1996

Idiomas oficials en Suiza. Foto: Tschubby (CC-BY-SA)

Idiomas oficials en Suiza. Foto: Tschubby (CC-BY-SA)

O diputau Martin Candinas plega de creyar por primer vegada un grupo parlamentario romanche en l’Asamblea Federal de Suiza. Seguntes explica a Radiotelevisión Suiza Romanche, Candinas quiere que o grupo faiga honra pa reforzar a presencia d’a luenga en Suiza, que pese a estar oficial en as institucions federals dende 1996, habitualment tien menos peso que no os atros tres idiomas oficials (alemán, francés y italiano). Asinas, Candinas quiere que o grupo faiga honra pa concienciar a os parlamentarios suizos que o romanche “ye bella cosa mas que folclore”.

O romanche se charra mas que mas en os Grisons. Ye luenga oficial d’iste costau, de conchunta con l’alemán y l’italiano, y s’amuestra en as escuelas. A presión de l’alemán le ha feito perder fablants y territorio mientres os sieglos. En o censo d’o 2000, 60.000 suizos dicioron que feban servir l’idioma de contino, y d’istas, 35.000 declaroron que o romanche yera a luenga que millor charraban.

Fuent: http://www.nationalia.cat/ca/noticies/1701

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.