Un estudiant de Cáller causa impacto respondiendo un examen en sardo

'M'he quiesto expresar en sardo porque no ye garra dialecto', diz Riccardo Laconi, de tretze anyos

Riccardo LaconiRiccardo Laconi ye un estudiant de tretze anyos d’a escuela Alfieri de Cáller (Cerdenya) que ha causau sorpresa en o estau italiano por o feito d’haber pediu de fer a exposición d’a tesina pa l’examen de grau en sardo, en cuenta d’italiano. Todas as preguntas que le facioron, las respondió en sardo. ‘Me querié expresar en sardo porque no ye garra dialecto. Ye una luenga, como l’anglés u o francés. Y, sabendo-ne, entramos en contacto con a cultura y a tradición d’ista tierra’, explica.

Encara adhibe: ‘Quereba demandar con argüello o dreito d’expresar-me en a mía luenga en contextos oficials, como un examen, pero me fería goyo tamién charrar en sardo con os míos amigos, en as situacions cutianas’.

A tesina, la ha dedicada a o desarrollo sostenible y a la preservación d’o medio en Cerdenya. Una parte tractaba d’as ‘casas verdas’, construidas con criterios de respecto ambiental, y charraba d’o quefer d’una investigadora y emprendedora en iste campo, Daniela Ducato, que quan sabió a historia de Riccardo Laconi lo querió conoixer y felicitar. Laconi acabó obtenendo a maxima puntuación en l’examen.

O diario La Repubblica n’ha feito un vidio.

Fuent: http://www.vilaweb.cat/noticia/4130598/20130701/estudiant-caller-causa-impacte-responent-examen-sard.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.