Un estudio considera que as particlas quanticas pueden viachar en o tiempo

Una simulación confirmaría ista posibilidat. Manimenos, no se sabe si particlas mas grans podrían viachar-ie

Forau de cuco. Foto: Panzi (CC-BY-SA)

Forau de cuco. Foto: Panzi (CC-BY-SA)

Scientificos d’a Universidat de Queensland en Australia afirman que os fotons podrían viachar en o tiempo. O estudio dirichiu por o estudiant de doctorau Martin Ringbauer ha simulau a dos fotons viachando en o tiempo y mesmo interactuando. O diario britanico Daily Mail n’informó.

O equipo de scientificos lanzó un primer fotón a traviés d’un forau de cuco ent’o pasau. Iste fotón interactuaría con ell mesmo en o pasau. Un segundo fotón viacharía en o espacio-tiempo normal, pero interactuaría con o fotón que s’ha quedau entrascau en o forau de cuco. Iste comportamiento d’o segundo fotón permitió d’investigar o comportamiento d’o primer fotón, dando como resultau que o viache en o tiempo podría estar posible, a lo menos a livel quantico.

Encara no se sabe si a mesma simulación podría resultar en a posibilidat de viachar en o tiempo a particlas mas grans como atomos u a grupos d’ellas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.