Un forau negro, como nunca no l’has visto

Un nuevo telescopio fotografía un forau negro y a bombolla circumdant. O forau negro ye seis mil milions de vegadas mas gran que no o sol, y a bombolla ye mas gran que no a galaxia en que s'inscribe

Fa decenas de millons d’anyos, talment centenars, que a leixana galaxia eliptica Messier 87 (M87), dos mil vegadas mas gran que no a nuestra Vía Lactia, tien un granizo forau negro, seis mil millons de vegadas superior a o nuestro sol.

A tamás d’istas cifras astronomicas, talment inimachinables, o nuevo telescopio Lofar d’o consorcio neerlandés internacional Astron ha permitiu, por primer vegada en a historia, alufrar no nomás iste forau negro, soque a bombolla de radiación que lo rodia, de color royisca, y que ye tant gran como a galaxia mesma.

Bells foraus negros trusquen periodicament a materia circumdant y la transforman en radiación y en particlas que aconsiguen a velocidat d’a luz, orichen d’ista graniza bombolla. En concreto, o forau negro d’a M87 trusque cada pocos minutos tanta materia como a que tien a nuestra planeta.

Agora, gracias a o nuevo telescopio, s’han puesto captar imachens de gran calidat como ista, que amás d’aduyar a entender qualcosa millor o fenomeno, suchieren mas vivament a immensidat de l’universo que nos rodia.

Fuent: http://www.vilaweb.cat/noticia/4051961/20121101/forat-negre-mai-lhas-vist.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.