Un grupo de presos d’ETA en vada de fambre, en solidaridat con Uribetxeberria

28 presos prencipioron o viernes una vada de fambre en solidaridat con o preso d'ETA Iosu Uribetxeberria, enfermo d'un cancer en fase terminal

Uribetxebarria estió levau o miercols pasau ta l’hespital de Sant Sebastián (País Vasco) ta que se tractase d’un cancer terminal. Alavez empecipió una vada de fambre ta demandar pasar os suyos zaguers días en casa, como lo preveye a lei.

Ye por ixo que o viernes empecipioron tamién una vada de fambre un grupo de 28 presos d’as prisions de Villefranche-sobre-Saône, Sebilla II y Castellón II. Os advogaus d’Uribetxebarria Bolinaga han demandau que siga meso en libertat.

Uribetxebarria estió condenau por participar en o seqüestro d’o funcionario de prisions José Ortega Lara.

Arnaldo Otegi ha dito por Twitter que s’adhibe a la vada de fambre indefinida que fan istos presos. Con Otegi, son ya 82 os presos en vada. Difuera de prisión, 5 personas más siguen tamién a vada.

Manifestación en Sant Sebastián

Chustament,  o sabado pasau, de mils de personas manifestoron por as carreras de Sant Sebastian (País Vasco), respondendo a la clamada d’o movimiento Herrira por exichir que se respecten os dreitos d’os presos politicos, mas que mas de Iosu Uribetxeberria y d’os atros trece presos enfermos. A protesta demandaba a libertat d’os presos enfermos y que os presos vascos estiesen en prisions d’o País Vasco, en cumplimiento d’a lei.

En plegar en a plaza Okendo, Agustín Rodríguez, un d’os 5 vadistas, explicó que a situación d’Uribetxeberria ye muit grau y fabló d’a necesidat de meter fin a la doctrina Parot, condenada por o Tribunal d’os Dreitos Humanos d’Estrasburgo.

Fuent: http://www.jornalet.com/nova/620/un-grop-de-presoniers-deta-en-cauma-de-la-fam-en-solidaritat-amb-uribetxebarria

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.