Un hombre asesina a una muller, a suya exparella, en Zaragoza

Ye a tercer victima d'un asesinato masclista en Aragón estianyo. S'ha convocau una concentración de condena a las 20 h. hue en a Pza. Espanya de Zaragoza

Foto: Pablo Ibáñez (AraInfo)

Foto: Pablo Ibáñez (AraInfo)

Una muller de 32 anyos, Alexandra Rodica Surca, acaba de morir hue dimpués que a suya exparella le clavase quantas punyaladas ahiere de tardes en un vestibulo d’un edificio d’a carrera zaragozana Conde d’Aranda.

A exparella, Cristinel Lionel Surca de 28 anyos, yera denunciau por malos tractos y teneba una orden d’aluenyamiento chudicial. A muller, que yera acompanyada por o suyo fillo de 5 anyos, acudió a o centro integral d’atención a las familias d’APEFA que tien l’asociación en ixa carrera. L’hombre, sabedor que iba a ir-ie, s’acercó, blincando-se a mida chudicial d’aluenyamiento.

As punyaladas en cuello y abdomen deixoron a Alexandra en estau muit critico. A Policía Local, que acudió ent’o puesto d’os feitos, se trobó a la muller chitada en a cera ensangrentada y a l’hombre dentro d’o vestibulo con tallos en o cuello y o cutiello clavau en a cabeza en prebar de suicidar-se. O fillo d’a parella yera en estau deshock“.

Mientres l’hombre contina en estau grieu en a UCI de l’hespital Miguel Servet de Zaragoza, Alexandra, pese a os esfuerzos d’o personal medico, ha falleciu finalment hue.

Dimpués d’iste nuevo asesinato masclista, o tercer en Aragón estianyo, a Coordinadera d’Organizacions Feministas de Zaragoza ha convocau una concentración hue en a Plaza d’Espanya de Zaragoza a las 20 h. ta amostrar a suya condena a iste asesinato.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.