Un intento de fuga de miembros d’os Chirmans Musulmans en una prisión d’O Caire acaba con 37 muertos

Y as autoridatz militars informan d'a muerte de 24 policías en una emboscada en o Sinaí. Dende o mierques han muerto mas de uitcientas personas

Protestas a favor d'o expresident Mursi. Foto: Mohamed Elsayed (CC-BY-SA)

Protestas a favor d’o expresident Mursi. Foto: Mohamed Elsayed (CC-BY-SA)

Dimpués de quatre diyas, a violencia no acaba d’amortar-se en a capital d’Echipto, O Caire. Trenta y siet miembros d’os Chirmans Musulmans han perdiu a vida mientres un intento de fuga d’una prisión t’o norte d’a ciudat, a mayoría por asfixia. Os feitos s’han produciu en una prisión t’o norte d’O Caire, an que i hai zarraus seicientos militants d’o movimiento islamista.

Paralelament, as autoridatz militars han informau que como minimo vintiquatre policías han muerto en una emboscada en a peninsula d’o Sinaí. Os miembros d’as fuerzas de seguridat iban con dos autobuses quan han estau atacaus por hombres armaus amán de Rafah, en a buega con Gaza, que ha quedau trancada.

As nuevas matanzas plegan chusto dimpués que os Chirmans Musulmans decidisen d’anular as manifestacions d’ahiere en o lusco y quan o gabinete d’o president interino se reuniba pa decidir si disolveba a organización.

Fuent: http://www.vilaweb.cat/noticia/4139402/20130819/intent-fugida-membres-germans-musulmans-preso-caire-acaba-37-morts.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.