Un internauta contrimuestra a vulnerabilidat de Facebook en o muro de Zuckerberg

Un choven internauta palestino deixa en evidencia a seguridat d'o rete social.

captura de pantalla d'o muro de Zuckerberg (Imachen: Vilaweb)

captura de pantalla d’o muro de Zuckerberg (Imachen: Vilaweb)

Que a privacidat de Facebook ye vulnerable no ye a primer vegada que se diz u que mesmo se contrimuestra. Pero ista vegada, seguntes Techcrunch, o choven internauta palestino Khalil Shreatech lo ha feito d’una traza bien vistera: ha publicau un apunte dreitament en a pachina d’empencipie d’o fundador d’a companyía, Mark Zuckerberg, una función viedada parando cuenta que Shreatech no teneba garra mena de conexión con Zuckerberg.

Shreatech descubrió una formula que permitiba acceder y publicar en a pachina d’empencipie, o muro, de qualsiquier usuario, encara que no tenese mica relación con ell. Seguntes ha explicau o mesmo internauta, envió mensaches ta l’equipo de Facebook ta informar-ne y mesmo publicó en o muro de Sarah Goodin, amiga de Zuckerberg y conoixida por estar a primer muller que se unió ta iste rete social.

Manimenos Shreatech no recibió garra mena de respuesta. Estió alavez quan o choven internauta decidió publicar dreitament en o muro de Zuckerberg, o sigüient mensache: “Lamento crebar a tuya privacidat y publicar en o muro tuyo, pero no he teniu garra atra opción dimpués d’haber ninviau diversos informes a l’equipo de Facebook. Dimpués d’iste mensache os incheniers de Facebook se meitoron a la fin en contacto con Shreatech.

 

 

Fuent: http://www.vilaweb.cat/noticia/4139546/20130819/internauta-demostra-vulnerabilitat-facebook-mur-zuckerberg.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.