Un muerto y 8 ferius a causa d’una “bola de fuego” en Archentina

Efectos d'a bola de fuego

Efectos d'a bola de fuego

Una muller peruana murió y atras ueito resultón feridas iste lunes a las afueras de Buens Aires debiu a una misteriosa explosión causada, seguntes o rilato d’os vecins, per “una bola de fuego que cayó d’o ciel”. En un primer inte, a policía heba informau de que a victima mortal yera de nacionalidat paraguaya, pero as autoridatz comunals aclarón dimpués que se tracta d’una peruana que heba viachau t’Archentina ta vesitar a os suyos parientes.

O feito ocurrió en a maitinada dentre o domingo y o lunes en a ciudat bonaerense d’Esteban Echeverría, an que dos viviendas y tres autos resultón destruyius per una explosión d’a que se desconoixen os motivos, indicón voceros policials. “A cama an que dormiba se devantó d’o piso, as fustas d’o teito se doblón y explotón totz os veires de casa mía. Cuan salié ta la carrera, cayeba un fuego d’alto que pretó fuego un poste a 20 metros”, afirmó un vecín d’a zona a meyos locals. Una vecina aseguró que salió de casa suya a radiz d’a explosión y veyó “que hi heba fuego que veniba d’alto, bella cosa celeste”.

“Plegan de comencipiar as prebas pericials, no queremos aventurar garra hipotesis, de cabo cuan, en as implosions pueden pasar istas cosas”, matizó l’alcalde d’Esteban Echeverría, Fernando Gray. L’alcalde aclaró que a muller fallecida ye de nacionalidat peruana, “no paraguaya, como s’informó per una confusión”. Confirmó que a muller fallecida ye Silvia Espinoza, de 43 anyos, qui visitaba a os suyos parientes ocupants d’una d’as casas destruyidas per a explosión. Dos d’os ferius, en tanto, ya estión daus d’alta, mientres que a resta permanecen ingresaus en un hospital cercano.

En meyos locals s’especula con a posibilidat de l’impacto d’un meteorito u de “basuera espacial” y remeran que o cabo de semana cayó a tierra o Satelite d’Investigación de l’Alta Atmosfera (UARS) d’a NASA, sin que encara se conoixca o paradero d’os suyos repuis. “Tranquilament podría estar un chiquet meteorito lo que prevocó ista trachedia, y un trozo de basuera espacial”, declaró Mariano Ribas, coordinador d’astronomía d’o Planetario de Buenos Aires. “Totz os días cayen sobre o nuestro planeta chiquetas rocas especials, pero encara que sigan d’un ocheto pequeño, pueden prevocar un gran mal”, adibió a o canal de noticias C5N, d’a televisión local. As autoridatz aseguran que en pocas horas más s’esclarecerá iste misterio.

Fuent: http://www.20minutos.es/noticia/1169675/0/argentina/bola-de-fuego/misterio/

3 Rispuestas a Un muerto y 8 ferius a causa d’una “bola de fuego” en Archentina

  1. ¿tendrá cosa que veyer con a cayida de o satelite ixe que, supuestament, s’esmicazó sobre Canadá? Porque si no ye ixo, tamién ye coincidencia…

  2. Poneba “nasa” por bel canton d´o cocharro ixe????. Ay ay ay que conzidenzia. Saluz ta toz

  3. parexe que ye estáu una esplosión de gas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.