Un programa por a Tierra

Organizacións ecolochistas proposan orientar l'aición d'o venient gobierno enta la sostenibilidat.

Autor: Lucía López Marco

Con motivo d’as eleccións chenerals convocadas ta o venient 20 de noviembre, Amigos de la Tierra, Ecologistas en Acción, Greenpeace, SEO/BirdLife y WWF han presentau “Un programa por la Tierra. Demandas para una legislatura sostenible”. Iste documento expone as proposas d’as organizacións ecolochistas ta cambiar as politicas y orientar l’aición d’o venient gobierno enta la sostenibilidat.
A venient lechislatura tendrá como scenario una profunda crisis financiera y economica, y será marcada por l’impacto crecient d’o cambeo climatico y un deficit ecolochico cada vegada más grau.
A rematadura d’os recursos naturals,a perdida enantada d’a biodiversidat, a calentadura global, a contaminción de l’augua, o sulero u l’aire son retos que garra gobierno puet eludir por más tiempo.
Un programa ta la Tierra reculle una fuella de ruta completa en materia de sostenibilidat ta la nueva lechislatura con a fin d’orientar a o nuevo gobierno. As grands linias proposadas serían: descarbonizar a economía y protecher o clima, descontaminar por a salut d’as chents, protecher a biodiversidat y apostar por a sostenibilidat.
Amigos de la Tierra, Ecologistas en Acción, Greenpeace, SEO/BirdLife y WWF veyen indispensable apostar por una economía “verda”. As organizacions consideran que a solución a istos desafíos nunca no plegará d’a man de nuevas retalladas socials, ni limitando os escasos meyos y recursos que hué s’adedican a la innovación ta la sostenibilidat, a la protección d’o meyo ambient u a l’aduya a o desenvolique. Ta rematar, subrayan que tampoco no se saldrá d’a crisis postergando encara más o prener decisions ta enantar en una economía baixa en carbono, ni sacificando a nuestra biodiversidat y o nuestro capital natural con a esperanza d’o beneficio a curto plazo.

Fuent: http://www.ecologistasenaccion.org/article8308.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.