Un robot demuestra por primer vegada tener consciencia de sí mesmo

L'autoconsciencia aconsiguida ye prou limitada encara a ciertas situacions pero ye un trango prou important adintro d'a intelichencia artificial

Robot NAO. Foto: Jiuguang Wang (CC-BY-SA 3.0)

Robot NAO. Foto: Jiuguang Wang (CC-BY-SA 3.0)

Mediant una simpla preba, o director d’o Departamento de Sciencia Cognitiva d’o Instituto Politecnico de Nueva York, Selmer Bringsjor, metió a preba a tres robots NAO con a fin de comprobar si teneban consciencia de sí mesmos.

Bringsjor programó a istos tres robots pa que pensasen que a dos d’ells les heban dau una pindola que no les permitiba de fablar. O scientifico les preguntó “qué pindola hetz recibiu?”. Os robots remanioron qualques segundos en silencio dica que un respondió a la pregunta: “no lo sé”. Chusto en ixe momento levantó o brazo y fue capable de responder “Perdón, agora lo sé. Fue capable de prebar que no me dioron a pindola enmudecedora“.

D’acuerdo con Bringsjord, a preba requeriba que o robot reconoixese a suya propia voz pa poder decir que no heba recibiu a pindola.

Os resultaus d’o test se presentarán en o simposio internacional RO-MAN 2015. Bringsjor comentó que fue posible “una correlación lochica y matematica ent’a propia consciencia (d’os robots)“, considerando que pueden estar disenyaus pa que accions y decisions puedan tener un cierto grau de propia consciencia. Manimenos ye una autoconsciencia prou limitada a ciertas situacions, encara que ye un trango enta mayors quotas d’a mesma.

Una rispuesta a Un robot demuestra por primer vegada tener consciencia de sí mesmo

  1. Ok, así que he visto un par de vídeos con estos robots . Pueden ser tan divertido .

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.