Un scientifico y o suyo fillo creyan un sistema d’invisibilidat

Han creyau un sistema que puede amagar obchectos grans en tot l'espectro de freqüencias opticas d'una traza simpla, eficaz y barata

John Howell, scientifico d’a Universidat de Rochester y os suyos fillos Benjamin y Isaac, han creyau un sistema que ye capable d’amagar obchectos grans ta toda mena d’espectro optico. O sistema, seguntes o scientifico, ye de baixo coste y muit simple, manimenos tamién ye “muit eficaz”.

O sistema ye compuesto por tres dispositivos: primer, un dispositivo de plexiglás y con pozals d’agua en forma de L. Dimpués fa servir quatro lents con as que se consigue o camuflache optico, tenendo a la fin bells espiellos, a l’estilo de como los fan servir os magos. D’ista traza se “dobla” a luz en un espacio y se consigue amagar un obchecto. Manimenos, iste sistema nomás puede funcionar en una dirección, por o que nomás puede funcionar si l’observador no se’n mueve d’o puesto a on siga.

Seguntes os creyadors, iste sistema, amás de tener mas avantallas que no atros sistemas, tien un baixo coste, pues totz os elementos pueden consiguir-se facilment en botigas. O coste aproximau sería de nomás 150 $. A importancia d’iste sistema tamién radica en que dica agora no se podeban amagar que obchectos chicotz y a determinadas freqüencias opticas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.