Un teniente d’a Marina, primer melitar gay que se casa en EEUU

Plega la fin d'a politica d'o "don't ask, don't tell"

O teniente da Marina Gary Gross s’ha convertiu en o primier melitar homosexual que se casa en Estaus Unitos, un minuto dimpués de que plegase, en a meyanueit d’o martes, a lei que vedaba a personas ubiertament homosexuals en as Fuerzas Armadas.

T’o casorio, Ross, de 33 anyos, y Dan Swezy, de 49, viachón dende Tucson, Arizona, dica Vermont, un d’os seis Estaus an que s’ha legalizau o casamiento de personas d’o mesmo sexo. O teniente Ross, que concurrió a la ceremonia debant d’una chiqueta colla de familiars y amigos con o suyo uniforme melitar de gala, y qui ye o suyo companyer dende fa 11 años, o cevil Swezy, trigón tamién Vermont per a esferencia d’huso horario que les permitió casar-se dos horas antis. “Estió una ceremonia polida”, dició Ross a o diyario Burlington Free Press, y referindo-se a la suya relación de parella, adhibió que “a la fin, ye oficial”.

O Pentagono ha adedicau meses a cursos d’información y instrucción ta quasi dos millons de miembros d’as Fuerzas Armadas en aproximar-se a derogación de tot d’a lei que vedaba que personas homosexuals que lo hesen reconoixiu de traza publica continasen en as ringleras melitars. As Fuerzas Armadas ya heban prencipiau a recepción de solicitutz d’ingreso de personas que se declaran homosexuals, pero nomás que dende iste martes prencipió lo tramite d’aceptación u refuse de candidatos. O casorio lo ofició lo chuez de paz Greg Trulson en a borda d’a Logia Moose Meadow, en Duxbury, a uns 25 kilometros a o nordeste de Montepelier, an que se fació también o primer casorio d’homosexuals cevils en 2009.

DEBANTAN A VEDA EN L’EIXERCITO

O Gobierno d’Estaus Unitos debantó iste martes de traza oficial a veda a os homosexuals en as Fuerzas Armadas, metendo fin a una controvertida mida que data de 1993 y que obligó a fer fuera a más de 13.000 soldaus. Dica agora, o Pentagono permitirá que os hombres y mullers homosexuals puedan prestar ubiertament servicio militar sin temor a represalias u a que les faigan fuera. O Pentagono dició lo lunes que ya ha prencipiau a aceptar solicitutz d’ingreso d’homosexuals y nomás aspera que se debante a veda. “Denguno ha de quedar-se con a impresión de que no somos paraus… ye bella cosa ta lo que [as Fuerzas Armadas] se parón, ha estau en a prensa mientres meses. A data d’o 20 de setiembre no ha estau un misterio”, dició lo portavoz d’o Pentagono, George Little.

Seguntes un estudio d’o Instituto Williams, d’a Universidat de California en Os Ánchels (UCLA), bi ha uns 48.500 hombres y mullers homosexuals y bisexuals en servicio activo u en as reservas d’as Fuerzas Armadas d’Estaus Unitos, y atros 22.000 se troban en as fuerzas de reserva y retiraus. En total, son más de 70.500 homosexuals que, de vez, representan o 2,2% d’a fuerza militar d’Estaus Unitos, según iste estudio.

A FIN D’O “DON”T ASK, DON”T TELL

” En aviento pasau, o Congreso aprebó a lei que efectivament revocó a politica conocida como “don’t ask, don’t tell”, que permitiba continar en l’exiercito mientres no revelasen a suya orientación sexual, y o President Barack Obama la promulgó ixe mesmo mes.

Manimenos, a promulgación da lei no significó la fin inmediata d’ixa politica, implementada mientres a presidencia de Bill Clinton, perque o Pentagono había de meter en marcha en primerías un luengo tiempo de certificación y paración dica las nuevas endreceras. O debantamiento d’a veda a os homosexuals estió una promesa electoral d’Obama en 2008, pero concaró gran oposición de collas conservaderas, como lo Tea Party. Agora, collas esfensoras d’os dreitos humans en tot lo país, entre éls o Rete d’Esfensa Legal ta Soldaus, han feito borina per l’escomencipie d’una nueva era que, en o suyo chuicio, ferá honra a las contribucions de totz os estaunitenses que, independientement d’a suya orientación sexual, pueden y quieren prestar servicio melitar.

Fuent: http://www.20minutos.es/noticia/1163241/0/estados-unidos/homosexuales/ejercito/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.