Una anyada dende l’accident d’os brigadistas anti-incendios

Autoridatz y ciudadans les fan homenaches en a redolada

Imachen de l'homenache (Foto: D.Ch.A.)
Imachen de l’homenache (Foto: D.Ch.A.)

En o cabo d’anyo de l’accident a on que morioron seis treballadors d’a brigada helitransportada d’Alcorisa, s’han organizau bells actos ta remerar-los. L’acto principal s’han celebrau en o puesto a on que o helicoptero se’n fue ta tierra. Astí se han chuntau as autoridatz, con a presencia d’o conseller de Agricultura, Ganadería y Meyo Ambient, Modesto Lobón y a presidenta d’a Diputación Provincial de Teruel, Carmen Pobo con a parentalla y companyers de treballo de os treballadors muertos.

As familias d’os brigadistas han descubierto un monolito a on que s’han escrito os nombres de as victimas y a leyenda ‘Nunca nos tos ixublidaremos’. Antímás, s’ha enterrau un cofre con mensaches de refirme.

O Concello d’Alcanyiz, d’atra man, ha dau o nombre de dos d’os brigadistas a un d’os parques d’a ciudat baixoaragonesa. Dende hue, en a Ronda de Caspe ye o Parque de’os Brigadistas José Ramón Milián y Angus Thomson. A semana venient se i metera una escultura en a suya honor.

Os seis treballadors d’a helitransportada morioron quan iban a amortar un incendio provocau por una chera de restrullo en Villel. Nomás una d’as siet personas que bi viachaban sobrevivió. Hue encara no se sabe exactament qual estió lo motivo de l’accident.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.