Una aplicación calcula a millor ruta en bici por Zaragoza

En Berlín y Londra se fan servir sistemas parellanos. Tamién ufre información sobre a localización de puesto d'intrés.

Logo de l'aplicaciónUn alumno de Incheniería Industrial d’a Universidat de Zaragoza, Daniel Gómez, ye o disenyador que ha feito posible ista aplicación. A ferramienta electronica permite calcular a l’usuario a millor ruta ta ir en bici por Zaragoza.

Dende a pachina web d’a Ciudat de las bicis (www.laciudaddelasbicis.com) se puet dentrar en l’aplicación, clamada Bizitel. Ista ufre esleixir entre ruta rapeda, ta qui le cal plegar antis con antis y tien experiencia, u tranquila, ta qui no’n tienga tanta u simplament quiera gronxiar-se con o recorriu. Dimpués ya nomas cal meter os puntos d’orichen y destino y o programa calcula la tuya ruta.

Ista ferramienta electronica ye o prochecto de cabo de carrera de David Gómez, inchenier d’a Universidat de Zaragoza y conta con o refirme d’a institución t’os algoritmos de calculo y o sistema grafico. O sistema tamién da información de puntos d’intrés como espitals, centros civicos, tallers de bicis, facultatz d’a universidat,…

O catedratico de Transportes d’a Universidat de Zaragoza, encargau de supervisar o prochecto, Emilio larrodé, sinyaló mientres a presentación as avantallas de que a ferramienta siga refirmada por una asociación. Por un regular sistemas parellanos han teniu problemas d’actualización, pero ista se podrá actualizar por os propios usuarios asinas que no tendrá ixe problema.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.