Una asociación de militars espanyols menaza con actuar en caso de secesión de Catalunya

Diz que l'exercito habría d'intervenir si antis no lo fa o gubierno espanyol y a chusticia

L’Asociación de Militars Espanyols (AME) emitió ahiere un comunicau que alerta d’o periglo de l’independentismo catalán y de ‘l’actitut d’o president d’a Generalitat de Catalunya y os miembros separatistas d’o suyo parlamento’ t’a unidat d’Espanya. Ista asociación, que estianyo cumple vinticinco anyos d’existencia, demanda que os representants d’o estau, o gubierno espanyol y os tribunals, apliquen ‘as facultatz legals’ que les atorga a constitución, ta aturar ‘qualsiquier mena de secesión’.

Y diz que lo faigan, ‘sin que as fuerzas armadas se veigan en a irremisible y gravisma tesitura de cumplir escrupulosa y estrictament a misión que a carta magna les atorga de guaranciar a sobiranía, independencia y integridat territorial d’a nuestra patria’.

Y adhibe: ‘Si hesen d’actuar, no habría d’haber garra dubda que os que han permitiu, participau u colaborau en plegar a ista (…) menaza de trencadura d’Espanya, por comisión, omisión u proveito d’os suyos cargos constitucionals, habrán de responder con tot o maximo rigor de tan grau acusación d’alta traición debant d’os tribunals en l’ambito d’a churisdicción castrense’.

Ista asociación ya ha teniu pronunciamientos anteriorment sobre a esfensa d’a unidat d’Espanya. Por eixemplo, mientres o proceso d’aprebación d’o estatuto de Catalunya, o 2006, en que esfendió a o tenient cheneral José Mena Aguado, que dició que l’exercito habría d’intervenir si o estatuto sobreixeba as mugas d’a constitución. Iste punto de gollada yera oposau a l’atra asociación de militars espanyols, l’Asociación Unificada de Militars Espanyols (AUME), que esfendeba o castigo imposau a Mena Aguado por as suyas declaracions.

Fuent: http://www.vilaweb.cat/noticia/4042383/20120924/associacio-militars-espanyols-amenaca-dactuar-cas-secessio-catalunya.html

3 Rispuestas a Una asociación de militars espanyols menaza con actuar en caso de secesión de Catalunya

  1. Dimpués bell uns dirán que no call cambear a Constitución.Una Constitución ignorada quan lis agana, aforzada as més d’as vegadas y per totz incumplida que només represienta a melitars feixistas y radicals nacionalistas espanyols.

    Una Constitución que no reflecta a suya sociedat sino només que a ixa minoralla que mos la imponié a totz.

  2. Españistán is diferent…

  3. aragones fiero

    Si los de AME fesen un estudeo estadistico de l’orichen nacional de as tropas de l’echercito españos, estoi que s’estimarían más fer-se voluntrarios de l’erchecito catalán.

    VIVA HONDURAS!!!!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.