Una autoescuela denunciada por discriminación

RACC cobra más diners a muller que no a hombres por os mesmo cursos.

O Instituto Aragonés d’a Muller (IAM) y a Unión de Consumidors d’Aragón (UCA) han denunciau a l’autoescuela RACC (Real Automóvil Club de Catalunya) por un caso de discriminación en función d’o sexo. A denucia se metió o pasau 11 de noviembre por “a discriminación dreita y a vulneración d’os prencipios d’igualdat”.

Ista autoescuela ufriba un paquet de servicios con diferents pres, pendendo si yeras hombre u muller. Os mesaches, d’entre 18 y 22 anyadas d’edat, bosaban 655 euros. As mesachas d’as mesmas anyadas en  heban d’abonar 850, 195 euros más. Pilar Argente, directora de l’IAM, dició en declaracions a El Periodico de Aragón, que “bi ha un trasfondo a on que apareixen estereotipos como que os hombres tienen millors aptitutz t’adugar quan no ye asinas”.

D’atra man, a UCA crei que ista practica va “en contra d’a Constitución y d’a Carta d’os dreitos fundamentals d’a Unión Europeya” antimás d’a lei d’igualdat que vieda tractar de diferent traza a las personas nomás en función d’o suyo chenero. L’asociación de consumidors remera a todas as mullers que sigan matriculadas en belun d’os 18 centros que tien l’autoescuela en Zaragoza, que pueden demandar que les tornen a diferencia de diners, pues consideran que istas clausulas son discriminatorias y, alavez, nulas.

A ran politico, Marisa Fanlo, responsable d’a Secretaría de Mullers de CHA, demandó ahiere que a D.Ch.A. actuase d’oficio ta prener midas contudents y que faigan exemplo.

Fuent: http://www.elperiodicodearagon.com/noticias/aragon/el-instituto-de-mujer-denuncia-racc_718625.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.