Una biera de “Ordio minero” celebrará os 25 anyos de Nogara

O nombre s'esleixirá con un concurso por os retes socials

cartel“Porque 25 anyos de Nogará bien mereixen una biera ta poder brindar“. Con iste eslogan, l’Asociación Cultural Nogara prencipia l’anyo convidando a la chent “a participar en un concurso ta meter nombre a la biera conmemorativa d’os suyos 25 anyos. “
A biera, será elaborada por a interpresa aragonesa Ordio Minero que ya leva bell anyo fendo biera artesana. Un d’os suyos sinyals, dende o suyo naiximiento, ye estau l’emplego de l’aragonés en a publicidat y l’etiquetache. Dende a primer Lignito, muitas atras bieras han plegau, con nombres como Royale u Triticale. O nombre d’a venient será decidiu por concuso.
Ta participar-ie, se puede fer dica o 21 de chinero deixando un comentario en os perfils de Nogara u d’Ordio Minero en Twitter u Facebook.  Entre totz os nombres que se repleguen en istos retz socials, o churau esleixirá a persona ganadora, que recibirá como premio un pack d’ista biera especial.
Nogara contina asinas con a campanya con que celebran os suyos 25 anyos d’actividat, y agradeixen “a toda la sociedat aragonesa, qui ye respondendo a la campanya #nogara25anyos (Twitter, Facebook y Instagram) con selfies de felicitación y en refirme de l’aragonés.”

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.