Una chabada de churizo en una papeleta ¿valida?

Se cuenta como valida una papeleta con una chabada de churizo apegada adintro d’un d’os sobres d’as eleccions 2011 ta lo Congreso espanyol. O feito tenió lugar en o Concello d’a Val d’o Dubra, provincia de A Corunya. En primeras, a papeleta estió contabilizada como voto nulo pero, tant y mientres o recuento continaba, o representant d’o concello en a mesa electoral se encetó a revisar as instruccions y sorprendentment s’enfiló ta los miembros d’a mesa ta dicir-les que valuraran unatra vegada a decisión pues ta ell y, seguntes o manual, una chabada de churizo apegada a una papeleta no dentraba de raso en a definición d’os votos nulos. Antimás, en a papeleta se veyeba diafanament que ista en yera d’o Partito Popular.

D’astí enta debant, os interventors de dito partito empentoron os miembros d’a mesa electoral a reconsiderar a suya decisión inicial y acceptar como buena a papeleta macada de churizo. A la fin, a papeleta estió contada como voto a favor d’o PP y l’apoderau d’o BNG fació una reclamación ta que se considere como nulo dito voto pos aductaba que a intinción d’o mesmo ye, a lo menos, dandalosa.

Fuent: http://www.elcorreogallego.es/elecciones/ecg/papeleta-loncha-chorizo-fue-valida-val-do-dubra/idEdicion-2011-11-21/idNoticia-714442/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.