Una colla d’activistas ocupa Ona Mallorca y reprene a emisión

Ista radio emitió a l'atro miercols o suyo zaguer boletín.

Uns quinze activistas miembros de diferents entidatz socials y culturals de Mallorca, aplegaus en o Consello d’a Sociedat Civil, ocupón ahiere de maitins un d’os estudietz d’Ona Mallorca, que dixó d’emitir a l’atro miercols. En una aición de protesta y de desobediencia, s’han meso devant d’os microfons ta debatir sobre a reyalidat politica d’a isla. A tertulia, man y menos, ha durau un minuto y curto, porque a dirección ha ordenau de camin que o tecnico tallase a emisión.

 

Primero han meso a canta “No ens fereu callar” d’Al-Mayurqa, y contino ha prencipiau a tertulia. De camin han plegau-ie achents d’a policía y os activistas han marchau. Difuera, han desplegau una pancarta con o lema “La solución d’o PP a la crisis, ninviar a os treballadors de [M] a l’ature”.

 

L’aición d’ahiere ye una más d’os actos actos de queixa que se levan fendo contra o tranque de Ràdio Televisió de Mallorca, l’unico meyo publico mallorquín de raso en catalán, que dixó d’emitir a l’atra semana por decisión d’o govierno balear.

 

O Consello d’a Sociedat Civil alerta que o tranque ye una enrestida a la libertat d’expresión y d’información, a os creyadors culturals, a la luenga catalana, a la cohesion social, a las industrias audivisuals y a os treballadors que bi fan faina.

Fuent: http://www.vilaweb.cat/noticia/3959907/20111212/grup-dactivistes-ocupa-ona-mallorca-reprenen-lemissio-durant-minut.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.