Una colla de Facebook demanda que no s’ature l’A-133 entre Sant Esteban y Binéfar

As obras se ferán más amonico, seguntes o gubierno, mientres que a oposición critica a falta de presupuesto ta fer-las

Una colla de Facebook replega as protestas d’a Litera por o plan d’aturar as obras en a carretera A-133 entre Sant Esteban y Binéfar. A colla ya achunta a más de 700 presonas. As obras de l’A-133 que fa la interpresa Marco Obra Pública, podrian estar aturadas seguntes os plans d’o gubierno “por problemas tecnicos”. A construcción d’iste tramo de via, de 7 kilometros, s’encetó en 2010 dentro d’o Plan Red y seguntes o vocero d’o PSOE en as Cortz, Javier Sada, nomás quedan que dos meses ta la suya finalización.

Dende o gubierno, o director cheneral de Carreteras, Miguel Ángel Arminio, ha explicau que as obras se ferian más amonico por un cambeo de prochecto. L’alcalde de Sant Esteban, Fernando Sabes, diz, por o contrario, que o cambeo de prochecto “ya se ye fendo” y que o problema ye de “financiación”.

Tamién l’alcalde de Binéfar, Agustín Aquilué, ha reclamau a o gubierno que contine con as obras, como han feito tamién dende CHA, os empresarios uescanos, acollaus en CEOS-CEPYME u o Consello Economico y Social de Binéfar.

 

Una rispuesta a Una colla de Facebook demanda que no s’ature l’A-133 entre Sant Esteban y Binéfar

  1. Pingback: Una colla de Facebook demanda que no s’ature l’A-133 entre Sant Esteban y Binéfar | Arredol - La Franja

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.