Una decena de prochectos d’investigación contarán con aduyas de l’Instituto d’Estudeos Teruelano

47 treballos d'investigación estioron presentaus pero nomás diez podrán recibir as aduyas de l'IET

Foto: Instituto d'Estudeos Teruelano

Foto: Instituto d’Estudeos Teruelano

L’Instituto d’Estudeos Teruelano (IET) ha concediu diez aduyas pa financiar treballos d’investigación. Dende a Diputación Provincial de Teruel (DPT) afirman que i heba muita necesidat pa convocar as aduyas pues heban recibiu 47 treballos de gran calidat.

D’istes treballos d’investigación, que han d’estar relacionaus con a provincia de Teruel, 23 proceden d’a provincia y a resta d’atros puntos de l’Estau. Juan Félix Royo, director de l’IET, pa trigar os treballos han presto cuenta en “a viabilidat d’o prochecto, o plan de treballo, que s’achusten a o presupuesto y o curriculum vitae d’os investigadors”.

Tamién destaca a variedat d’os prochectos trigaus, entre os que se puede trobar l’analisi d’a valor nutricional d’o pernil d’a Denominación d’Orichen de Teruel u unatro en que s’estudea a figura d’Áurea Lucinda Mur, medievalista de gran fama.

Os prochectos tendrán una financiación de 2.000 euros y tendrán un anyo pa poder realizar-se.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.