Una exposición amostra en Uesca las ilustracións d’o libro ‘Cuentos y Leyendas de Ramón J. Sender’

L'artista plastico y professor d'a Universidat de Zaragoza, Fernando Alvira, ye l'autor d'istas obras que fan companya a la colección de relatos d'o primer Sender.

Fernando Alvira exposa las ilustracións d’o libro Cuentos y Leyendas de Ramón J. Sender. L’artista plastico y professor d’o Campus uescano d’a Universidat de Zaragoza ye l’autor d’istas obras que fan companya a la selección de relatos de choventut de l’escritor de Chalamera arroclaus en iste volumen publicau fa no guaire por Prensas Universitarias, a editoria d’a Universidat de Zaragoza y l’Instituto d’Estudeos Altoaragoneses. A muestra puet visitar-se dica o 20 de febrero en a Librería Anonima (C/ Cabestany, Huesca).

Cuentos y leyendas fa parti d’a colección Larumbe Chicos, que aculle obras clasicas aragonesas cuidadosament ilustradas por artistas contemporáneos. Ista antolochía d’o primer Ramón J. Sender incluye ueito textos, seleccionaus por o tamién professor d’o Campus de Uesca, José Domingo Dueñas, que viyón a luz entre 1916 y 1938. Siet d’ellos estión escritos quan Sender teneba entre 15 y 21 anyos no más, y cinco no heban tornau a estar publicaus dende alavez.

Iste volumen, que se completa con una introducción critica y un glosario feitos por ixe investigador, especialista en a obra de l’escritor aragonés, fa accesibles ueito falordias d’a etapa d’antis de l’exilio de Sender. D’ellos, solo que tres -que estión incluyius a l’encete d’os anyos 90 en publicacións d’o propio Dueñas y de Jesús Vived -heban estau reeditaus posteriorment a la suya aparición en diferents periodicos u revistas en o primer tercio d’o sieglo XX.

Fuent: http://www.unizar.es/actualidad/vernoticia.php?id=6743&idh=2228#

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.