Una expulsión masiva revela ilegalidatz en os tramites de deportación d’immigrants

No ye platera la nacionalidat de bellas personas deportadas dende o CIE d'Aluche

O 6 de septiembre estión deportadas al menos 50 personas dende o Centro de Internamiento de Extranjeros (CIE) d’Aluche, en Madrit, en o clamau „avión d’a vergonya“. L’actuación conchunta de diversos retes de refirme permitió conoixer que d’entre os deportaus bi heba un numero indeterminau de personas cuya nacionalidat no se ha puesto establixer en no tener passaporte y no estar reconoixidas por o consulau.

D’o meyo centenar de personas deportadas a Senegal, un numero no determinau ye reyalment de nacionalidat nicheriana u no poseyeba passarporte y no heba estau identificada por o suyo consulau. Iste detalle estió confirmau por charradas con un interno d’o CIE d’Aluche que heba puesto charrar con un parient que treballaba en l’airopuerto de Dakar (Senegal). Se desconoix si istas personas remanen encara en territorio senegalés.

L’actuación conchunta d’amigos y familiars d’os internos permitió conoixer a calendata de salida de l’avión diyas antis. A traviés d’o Rete de Refirme a Sin Papels d’Aragón, atras collas de refirme en Asturias y Madrit tenión acceso a un auto d’expulsión qu’informaba d’a previsión d’un vuelo enta Senegal o diya 6 de septiembre.

Istos retes organizan de traza periodica as visitas a personas internas en o CIE d’Aluche. A radiz d’entrevistas a internos, han puesto establixer no solo que a presencia de nicherians en un vuelo endrezau ta Senegal, sino tamién a expulsión de personas que cumpliban con os requisitos de regularización. Periodistas d’a emisora no oficialista RFM de Dakar han estau en contacto con os retes de refirme y han informau d’a plegada de l’avión a l’airopuerto de Dakar.

Fuent: http://www.diagonalperiodico.net/Una-deportacion-masiva-revela.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.