Una fiesta celta zarra las Chornadas “Camín de Mayo” de Chaca

Dende o 19 d'abril Chaca ye estada lo centro gastronomico d'o "camín francés de Sant Chaime"

cartelUna fiesta celta zarrará las Chornadas Camín de Mayo que se han celebrau por primer anyo en Chaca dende o pasau 19 d’abril. A fiesta se celebrará en ista calendata dimpués de que s’hese de suspender o pasau 22 d’abril por o mal orache que feba, en estar a l’aire libre.

A fiesta contará con a mosica d’a colla navarra Elorrifolk y de os Gaiters de Chaca. Tamién bi habrá una tastada de pernils a l’espedo y de sidra chunto a una gran chera. O scenario esleixiu son as plazas Biscós y Ripa, siempre que l’orache permita de fer-ie a fiesta.

As I Chornadas Camín de Mayo han estau un ciclo de gastronomía y cultura organizau por o concello de Chaca y bellas quantas asociacions y entidatz d’a ciudat, con l’obchectivo de dinamizar l’actividat interpresarial y cultural d’a ciudat.

Dica o domingo, se podrán tastar por os bars y restaurants de Chaca as propuestas d’os hostelers que participan en “As sabors d’o Camín”, una muestra gastronomica con platos caracteristicos d’os territorios por a on que pasa o clamau “Camín francés de Sant Chaime”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.