Una gambadeta por Mularroya demanda l’ature de l’entibo

O prochecto d'entibo ye en o Tribunal Supremo espanyol dimpué l'Audiencia Nacional espanyola declarase nulo o prochecto y a evaluación de impacto ambiental

Unas cincuanta personas estioron en a convocatoria de Xalon Vivo ta fer una gambadeta arredol de Mularroya. Ta veyer l’estau actual d’as obras y fer orella a una explicacion sobre o terreno. Tenio o refirme de COAGRET y Puyalon de cuchas. Os diyas previos a guardia civil sembro una mica d’inquietut fendo preguntas a chent de Morata de Xalon sobre a gambadeta. Talment remerando l’ature d’as obras ,mientres una hora, feito fa dos anyos por ecolochistas. De maitins bi heba dos autos d’a guardia civil por Morata de Xalon.

Arredol de 50 presonas parteciparon en ista gambadeta contra l'entibo (Foto: Alejandro García)

50 presonas parteciparon en ista gambadeta contra l'entibo (Foto: Alejandro García)

A chent s’arrocló en a plaza d’Espanya de Morata de Xalon dende as diez oradas. Yera venida dende lugars d’a redolada de Valdexalon como lo mesmo Morata de Xalon, Chodes u Ricla, y tamién d’atros lugars d’o país como Artieda, Zaragoza u Uesca. Tamien bi heba presencia de periodistas de Gara y La Sexta. Istos zaguers tamien vesitoron o puesto en Embid d’a Ribera dende an prencipiara o trescole que s’amenista ta plenar l’entibo. Con un recorriu de 13 kilometros debaixo d’a sierra de Vicort dica la coda l’entibo.

A declaración d'impacto ambiental ye anulada pero as obras continan (Foto: Chesús Domper)

A declaración d'impacto ambiental ye anulada. As obras continan (Foto: Chesús Domper)

Alto u baixo a metat d’a chent fació lo camin a pie y l’atra quasi tot en auto, como refirme ta la tornada. O camin se fació entre monts con firme calor. Rematau en un tozal con una buena anvista d’as obras. Chusto debant de Penya Maria un d’os mayors impactos ecolochicos y an que anidaban antis os vueitres. Alfredo Martinez explico los impactos y a cheolochía periglosa d’o terreno, mas que mas quan haiga augua y presione. Bi ha una falla chusto an s’alaceta la presa y ixo ha feito que han habiu de cambear l’aliviadero a l’atro costau. Con o periglo de trencadura y as consecuencias mas que mas ta L’Almunia y Ricla. Un atra falla en a coda de l’entibo y a porosidat d’os materials feria perder l’augua almacenada.

Cal remerar que o Tribunal Superior de Chusticia d´Aragon obligoen 2005 a o Gubierno d´Aragon a encluyir a zona de l´entibo en a ZEPA y LIC Cortaus d´o Xalon. L’Audiencia Nacional espanyola en 2009 declaro nulos o anteprochecto, prochecto y a evaluacion de impacto ambiental. Os diners que se demandaban a os ecolochistas como guarancia priboron de aturar-lo. Agora o recurso d’as almenistracions aragonesas ye en o Tribunal Supremo espanyol.

Os partecipants en a Gambadeta en o vaso l'entivo (Foto: Chesús Domper)

Os partecipants en a Gambadeta en o vaso l'entivo (Foto: Chesús Domper)

Dimpues d’a explicacion a chent fació fotos d’as obras y estio veyendo-las. Dica que un vichilant privau dicio que yeran aman d’una zona de obras. No sinyalizada en ixa parti. A tornada ta Morata de Xalon se fizo en autos y bi habio una chenta popular en l’albergue. De tardis bellas personas en fuoron ta Ricla ta veyer o rio Xalon ixuto, prexinando lo esdevenidero.

4 Rispuestas a Una gambadeta por Mularroya demanda l’ature de l’entibo

  1. Que expliquen como estan destrozando la Peña Maria mediante la extracción de zahorra como se ve en las fotos, donde esta en el Proyecto, se pasan la ley por el f… de los h…os, lo llaman democracia y no lo es

  2. Muitas gracias!!

  3. Ya m’hese feito goi poder ir-ie, pero me fue imposible. Manimenos, quasi m’estimo más de no haber visto as esferras que son fendo en ixe parache. Cada vegada que paso por l’autovía y me miro de vislai, me fa duelo y, sobre tot, me fa rabia, muita rabia. En l’articlo se i podría haber explicau un poquet as posicions politicas sobre o entibo, como lo inexplicable refirme de IU y CHA a ixas obras ilegals.

  4. Pingback: Anónimo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.