Una gran tronada imple d’augua as carreras de Sadaba

Una muller ha estau rescatada d'un coche y as plevias han obligau a zarrar os colechios y institutos d'a zona

Foto de Sadaba iste maitín

Foto de Sadaba iste maitín

Más de 100 litros por metro quadrau a primeras horas d’o maitín han empliu d’augua as carreras de Sadaba.O rio Riguel no ha puesto canalizar tota l’augua cayita y s’ha desbordau a o paso por a localidat. Os bombers d’a Diputación Provincial de Zaragoza han triballau tot iste maitín con ueito motobombas en a localidat y en os lugars vecins ta desaloixar l’augua, que ha prevocau talladas en carreteras dende Sadaba enta Uncastiello y enta Sos. Tamién han habiu de rescatar d’un coche a una muller que heba quedau trancada en o suyo interior en a carretera de Sadaba enta Castiliscar, encara que no ha patiu garra ferida.

Carretera ta Uncastiello dende Sadaba (Foto: @chipiuncas)

Carretera ta Uncastiello dende Sadaba (Foto: @chipiuncas)

As plevias intensas han causau inundacions en locals y viviendas y ha obligau a zarrar os colechios de Sadaba y tamién de Biota, amás d’o desaloix de l’instituto de Sadaba. L’Achencia Estatal de Meteorolochia ha anunciau que son previstas encara más plevias en ista zona, que seran intensas y que podrian prevocar más inundacions. O norte d’o país y as Cinco Villas son en alerta roya porque encara pueden haber-ie tronadas que deixen más de 150 litros por metro quadrau d’augua. Tamién Uncastiello, Sos u Biota han recibiu l’augua que ha causau bells problemas tamién en istos lugars.

O portal de noticias Ejea Digital ha penchau un video d’a inundacion en Sadaba que amuestra os efectos d’a plevia en a localidat.

2 Rispuestas a Una gran tronada imple d’augua as carreras de Sadaba

  1. En iste país cuan plevia, plevia con pitera!

  2. Pingback: CHA muestra su solidaridad con los afectados por las inundaciones en Sádaba | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.