Una impresionant pedregada engarona Andorra

A tronada deixa un muro esvoldregau y afeccions en hortals, locals y viviendas.

Anvista dende a Plaza d'o Regallo (Foto amprada por vecins)

Anvista dende a Plaza d’o Regallo (Foto amprada por vecins)

A localidat baixo aragonesa d’Andorra ha sufriu a tardi d’iste martes una impresionant pedregada que ha deixau quantos desperfectos por tot o lugar y ha ixorrontau a los habitadors. Muitos d’ells declaraban no haber visto cosa parellana en a suya vida.

A las siet d’a tardi a plevia feba acubillar-se a los andorranos en portals y bars, esdevenindo a escape en una tronada y pedregada que l’alcantarillau no adubiba a replegar. As carreras s’han empliu d’augua, fendo-se arrigachuelos por tot lo lugar, como en a centrica Plaza d’o Regallo, a on que o río Regallo, entibau por debaixo d’o lugar, se saliba.

Bells comercios y locals han resultau afectaus en dentrar-ie l’augua y mesmo s’ha esvoldregau un muro. Os servicios de protección civil han habiu tamién de sacar augua de bella casa. A piedra cayida ya ha prencipiau a replegar-se, con l’aduya de bells vecins, ta poder tornar antis con antis t’a normalidat. A plevia tamién ha afectau a atros lugars como Alcorisa u La Mata de Los Olmos y ta hortals de toda la redolada.

 

 

Autos en Pza Regallo rematada la pedregada (Foto amprada por os vecins)

Autos en Pza Regallo rematada la pedregada (Foto amprada por os vecins)

Replegando a piedra en a Plaza d'o Regallo (Foto amprada por os vecins)

Replegando a piedra en a Plaza d’o Regallo (Foto amprada por os vecins)

Replegando a piedra (Foto amprada por os vecins)

Replegando a piedra (Foto amprada por os vecins)

 

 

Una rispuesta a Una impresionant pedregada engarona Andorra

  1. Pingback: Una impresionant pedregada engarona Andorra | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.