Una ‘marcha d’autos’ colapsa Zaragoza por a readmisión d’os 153 forachitaus d’AUZSA

Si no se plega en garra alcuerdo, o 23 ye convocada una vaga d'autobuses

Marcha d'autos por Cesario Alierta (Foto: Arainfo)

Marcha d’autos por Cesario Alierta (Foto: Arainfo)

A plantilla de AUZSA cambió en a tardi d’iste chueves de vehiclo. Las y los treballadors de Autobuses Urbanos de Zaragoza, acompanyaus d’a suya parentalla, salioron t’as carreras d’a ciudat en os suyos autos con a enchaquia de desembozar o conflicto que mantienen con a interpresa. Bells 300 vehiclos particlars colapsoron o centro zaragozano ta exichir a readmisión d’as 153 personas que a interpresa ha forachitau.

Dende as 18:00 a caravana de vehiclos, adornaus con cartels reivindicativos y globos negros, circuloron dende l’avenida Miguel Servet, por as principals arterias zaragozanas, Cesario Alierta, Paseyo d’a Constitución, plaza Paraíso, Independencia, Coso y Echegaray y Caballero.

A plantilla de AUZSA que ista semana reafirmó lo suyo refirme t’o comité de interpresa no quier ixublidar a los suyos 153 companyers forachitaus, ni tampoco la falta de trangos entabant en o negociau con la interpresa. A marcha d’iste chueves no ye que a continación d’unas movilizacions que rematarán en a convocatoria de vaga, que prencipiará o 23 de setiembre.

Solidaridat d’o comité d’interpresa de Balay con a plantilla de AUZSA

D’atra man, o comité d’interpresa de BSH Balay, en a Planta de La Cartuxa, ha manifestau, a traviés d’una nota de prensa, a suya solidaridat con as y os treballadors d’Autobuses Urbanos de Zaragoza, y “tot o suyo refús” a que forachiten a 153 treballadors no aplicando antimás o Convenio Colectivo Vichent.

O comité d’interpresa de BSH Balay sinyala que “como treballadors exichimos a la interpresa consecionaria que saque os dos expedients y faya tornar t’os puestos de treballo a totz os treballadors forachitaus. Y como ciudadans que sufrimos o esvoldregue d’o Servicio Publico que suposan istas midas exichimos a lo Concello y a PSOE, IU y CHA que obliguen a la interpresa a retirar ixas midas y solucionar o conflicto u fayan efectiva a municipalización de Autobuses Urbanos de Zaragoza.”

Fuent: http://arainfo.org/2013/09/una-marcha-de-coches-colapsa-zaragoza-por-la-readmision-de-los-153-despidos-en-auzsa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.