Una moción de censura da l’alcaldía de Casp a o PP

A moción la han refirmada PP, PAR y CPC

Pilar Herrero en campanya (Foto: PP Casp)

Pilar Herrero en campanya (Foto: PP Casp)

O pleno d’o concello de Casp ha aprebau iste martes, con os votos a favor de PP, PAR y Compromís por Casp (CPC), una moción de censura que fa deixar o cargo a qui dica alavez yera alcalde, Florencio Ripollés, d’o PSOE. Nomás CHA en ha votau en contra. A nueva alcaldesa d’o municipio será Pilar Herrero, d’o PP.

A nueva alcaldesa, qui estió segunda en as listas d’o PP t’o concello, habrá de gubernar de conchunta con os atros dos partius que le han refirmau. As dos tenencias d’alcaldía será t’o CPC y t’o PAR. Ye a primer vegada que Casp tendrá una alcaldesa d’o PP.

O pleno ye estau prou tenso, con un intercambio d’acusacions entre o PSOE y os promotors d’a moción de censura. Bells simpatizantz d’o PSOE d’o lugar, y representants suyos en institucions como Javier Lambán i son ius ta amostrar o suyo refirme ta Ripollés. D’atra man, o PP tamién ha contau con o refirme de Javier Campoy, secretario cheneral d’o PP de Zaragoza, y atros alcaldes d’a redolada.

A moción de censura ye presentada, entre atras razons, por no haber-se presentau encara os presupuestos d’o concello. Sobre isto, o PSOE ha quiesto remerar que en a Comarca tampoco no se i han presentau. Ista Comarca ye presidida por Carlos Alastuey, conceller d’o PAR de Casp y qui ha votau a favor d’a moción. Os socialistas han preguntau si, por os mesmos motivos, presentarán una moción de censura en a comarca.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.