Una muller gobernará en Dinamarca por primer vez en a historia d’o pais

A cucha se fa con o poder en Dinamarca dimpues de diez anyos de gobiernos de dreita

Helle Thorning-Schmidt. Autor: Socialdemokraterna

Helle Thorning-Schmidt, que relevará a o liberal Lars Lokke Rasmussen, estará a primera muller que dirixe un Gobierno en Dinamarca.

Thorning-Schmidt representa una alianza formada por quatro partius de cucha que ha obteniu 89 d’os 179 escanyos en o Parlamento de Copenhague. Rematan asinas 10 anyos de sucesivos Gobiernos de centro-dreita refirmaus por o populista Partiu Popular Danés (DF), que dixará d’estar o partiu d’extrema dreita más influyent d’Europa.

A cayida d’o DF tien puesto dos meses dimpués de que l’ultradreitista Anders Breivik perpetrase a matacía d’Utoya, en o país vecín noruego.

A dreita, incluyiu lo DF, obtien o 48,9% y 86 posientos parlamentarios. Os populistas retroceden por primer vez en decadas, con un resultau d’o 12,3% y 22 escanyos. En l’actual hemiciclo cuentan con 25 representants. O Parlamento, que ye unicameral, reserva dos escanyos t’as Islas Feroe y atros dos ta Groenlandia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.