Una nueva canal de Youtube d’a DPZ replega a tradición oral d’a provincia

50 videos replegan tradicions y fiestas d'os municipios zaragozanos.

Presentación d'a canal

Presentación d’a canal

Cinquanta nuevos videos que perteneixen a l’Archivo d’a Tradición Oral d’a provincia de Zaragoza podrán viyer-se en a nueva canal de Youtube que s’ha presentau iste maitín en a DPZ de man de Jose Manuel Larqué, diputau delegau de Cutlura y d’o director de l’aria de Cultura José María Moreno. Os videos son o fruito d’o treballo de dichitalización que s’ha feito mientres tot l’anyo y se pueden viyer en as adrezas  www.cultura.dpz.es o en  www.youtube.es/canalculturadpz.

Entre as gravacions que se i pueden viyer son os carnavals d’Epila de 1984, a Contradanza de Cetina, os Dances de Lecinyena, Placiencia de Xalón, Fuents d’Ebro y Alagón, a trobada de Cipotegatos en Grisel y a trobada de Dances de Tarazona, a on que se podioron viyer os Dances de Villamayor, Gallur, Alagón, Anyón d’o Moncayo, Lo Bust, Fuents d’Ebro, L´Almolda, Pratiella d’Ebro y Torres de Berrellén.

L’Archivo d’a Tradición Oral d’a Diputación Provincial de Zaragoza conta con 5.800 rechistros que se pueden ascuitar en a pachina web d’o Sistema d’Información d’o Patrimonio Cultural Aragonés, SICA, http://www.sipca.es/tradicion_oral_zaragoza.html. Se i pueden trobar rechistros d’audio, mosicals, cuentos infantils, leyendas, cantos relichiosos, tradicions u pasatas que fan parte d’a memoria de arrienda municipios d’a provincia. O fundo documental tamién ye disponible en a Biblioteca Ildefonso Manuel Gil d’a DPZ.

Iste archivo ye estau posible gracias a lo treballo feito por un equipo d’antropologos y musicologos que levan más de vinte anyadas treballando t’a institucions y replegando y organizando os diferents rechistros presos por buen cosa de lugars. Estianyo se ye treballando ta poder adhibir a la canal 48 nuevos videos. A DPZ se meterá en contacto mientres iste anyo con os diferents lugars ta que alporten qualsiquier mena de material.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.