Una nueva depuradora tractará as auguas de Biescas

A planta ye disenyada ta una carga contaminant de 12.000 habitadors-equivalents, estando capable de tractar un cabel diyario meyo de 2.400 m3/diya.

A depuradora en a devantadera oficial (Foto: D.Ch.A.)

A depuradora en a devantadera oficial (Foto: D.Ch.A.)

Una nueva instalación ya ye tractando as auguas d’os lugars de Biescas y Gavín y as auguas repuyals cheneradas por as industrias d’a redolada. A depuradora estió inaugurada iste miercols por o conseller d’Agricultura, Ganadería y Meyo ambient, Modesto Lobón, y atras autoridatz.

Seguntes o conseller, a depuradora “ye una pieza de vanguardia tecnolochica que puya a calidat de vida en a redolada”. “A depuración ye alazetal y da sentiu y fuerza t’o Pirineu”, diz Lobón, qui tamién anuncia que “o conchunto d’as depuradoras se achustarán tanto a lo que cal realment depurar como a los tiempos actuals y a las necesidatz financieras; asinas, se ferán quatre grans depuradoras, y ista en ye una”.

O director cherent de l’Instituto Aragonés de l’Augua, tamién present en l’acto de devantadera, ha dau bellas cifras: “dende iste Instituto tenemos 188 depuradoras funcionando en Aragón, hemos sacau 54.000 toneladas de materia organica, hemos tractau 68 hectometros cubicos y se han sacau más de 200 toneladas de vasuera. Isto contrimuestra la importancia d’ista actividat ta l’estau ecolochico d’os ríos y d’o meyo ambient en cheneral”.

A planta ye disenyada ta una carga contaminant de 12.000 habitadors-equivalents, estando capable de tractar un cabel diyario meyo de 2.400 m3/diya.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.