Una persona ferida grau en un ataque contra o periodico francés “Libération”

Un treballador d'o diario francés ha resultau feriu hue en París dimpués d'estar atacau por un hombre con un arma de fuego

Entrada d'o edificio d'o diario Libération en París. Foto: Luc Legay (CC-BY-SA)

Entrada d’o edificio d’o diario Libération en París. Foto: Luc Legay (CC-BY-SA)

Un hombre ha irrumpiu hue en o diario francés “Libération” en París con un arma de caza, disparando un par de vegadas contra un aduyant de fotografía deixando-lo feriu de gravedat. Por agora a policía francesa ye buscando a l’agresor. O ministro de l’Interior francés, Manuel Valls, ha ordenau reforzar a seguridat policial en os medios de comunicación d’a capital francesa.

O pasau viernes un hombre armau entró en a siede de BFM TV en París y menazó a un redactor chefe. A policía ye investigando si puede estar a mesma persona, mirando-se as camaras de seguridat pero por agora se desconoixe si son a mesma persona u si existe vinculación.

O director d’o diario, Nicolas Demorand ha declarau que “atacar o periodismo ye atacar un pilar esencial d’a democracia” y que istos ataques “deberían d’alertar a o conchunto d’a ciudadanía”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.