Una pintura en una ilesia de Borcha, estricallada por una imprudent “restauración”

Una ciudadana no profesional por a suya cuenta y sin permiso prebó de restaurar una pintura d'una ilesia borchana, pero o resultau no estió l'asperau

Ecce Homo antis de l’actuación. Fuent: http://cesbor.blogspot.com.es/

O Concello de Borcha prebará de recuperar a pintura de l’Ecce Homo pintada en a ilesia d’o Santuario de Misericordia d’a ciudat zaragozana, obra d’Elías García Martínez a primers d’o sieglo XX, que yera prou malmesa por a humedat en dita ilesia y que una ciudadana borchana no profesional y sin permiso decidió de prebar de restaurar, deixando a obra estricallada por a suya acción. O “Centro de Estudios Borjanos” advirtió en o suyo blog sobre os feitos.

A particular no profesional que prebó de restaurar a pintura ye una muller muit mayor que no teneba permiso d’o concello, encara que con a millor intención decidió de prebar de restaurar a obra.

O concello borchano ya ha contactau con profesionals restauradors ta fer un poder por recuperar a obra, encara que dende o concello creyen muit dificil que pueda recuperar-se a pintura.

A familia de l’autor, por meyo d’una nieta suya, ha exichiu firmeza y no descartan exercer midas legals contra ista actuación.

 

Ecce Homo dimpués de l’actuación. Fuent: http://cesbor.blogspot.com.es/

 

2 Rispuestas a Una pintura en una ilesia de Borcha, estricallada por una imprudent “restauración”

  1. Dimpués de tot l’estrapalucio ha creyau la pobra muller que lo va querir restaurar con toda la buena intención, lo millor que pueden fer a Borcha ye dixar-lo estar tal qual.
    De ben seguro que ye més famoso asinas de fiero que no pas restaurau. Amás tampó no yeba una pintura de un valor grandismo, con totz os mios respectos ta l’autor orichinal.

  2. Pingback: Os simbolos y a identidat | Purnas en o zierzo

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.