Una sociedat municipal chestionará Pirenarium

O parque de Samianigo tien más de dos millons d'euros de deuda

Maqueta d'a Plaza Mayor de L'Aínsa en Pirenarium (Foto: Mjmingo)

Maqueta d’a Plaza Mayor de L’Aínsa en Pirenarium (Foto: Eugenio Mingo)

A partir d’o miercols una sociedat municipal d’o Concello de Samianigo será qui mene o parque de maquetas Pirenarium. Ista ye a decisión presa con o refirme de PSOE, PP, PAR y IU y o refús de l’unico conceller de CHA, debant d’a situación economica d’o centro, que tien más de dos millons d’euros de deuda.

O centro yera dica agora en mans d’inversors privaus, qui teneban o 51%, encara que tamién i participaba o Gubierno d’Aragón con un 33 % y o concello de Samianigo con un 16%. Se planteyó a posibilidat de zarrar o centro u dentrar en concurso d’acreedors. A la fin, será o concello qui se’n faiga cargo d’o parque, de conchunta con l’albergue y o restaurant.

A comisión que ferá o prochecto t’as venients cinco anyadas será presidida por Jesús Lasierra, alcalde de Samianigo, y contará con a presencia de representants d’o cinco partius politicos con representación municipal.

Iste parque reproduce en 120  maquetas de gran tamanyo, puestos emblematicos de tot Aragón y más que más d’oPirineu.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.