Una tuca sobre o clima con no guaires asperanzas

A cris economica fa complicau que os paises se comprometan en Durban a fer cambeos a Kyoto

Emisiones de una fabrica en Luján (Foto: Rubén Orlando)

Emisiones de una fabrica en Argentina (Foto: Rubén Orlando)

200 ripresentants d’estaus s’achuntan dende huei en Durban ta trobar un plan que releve o Protocolo de Kyoto. En a ciudat sudafricana se troban dica o 9 de aviento, con a intinción de achiquir as emisions de CO2 enta l’atmosfera. En realidat, as opcions no son guaire buenas. O compromiso de Kioto estió un alcuerdo ya de maximos, y agora os principals emisors de carbono no pareixen disposaus a sinyar garra compromiso que los vincule. Ni Estatos Unitos, ni China, quieren sinyar, como tampoco no atros grans productors como Rusia, Canadá, Chapon u a propia Unión Europeya.

L’obchectivo d’a tuca ye creyar midas, plateras, que vieden a puyada d’as emisions de carbono y asinas prebar de que baixe l’escalfamiento global. A temperatura d’o planeta ya ha puyau un grau en os zaguers 20 anyos y puede estar que puye unatro si no se fan midas importants.

Pero si os paises más ricos no quieren sinyar cosa, tampoco no pareixen disposaus os paises en vias de desembolique, porque consideran que achiquir as suyas emisions sin que os ricos faigan o mesmo, fa que se rezaguen en a luita por o ixe mesmo desembolique. Por ixo, reclaman aduyas ta concarar ixa reduccion d’ingresos, a qualcosa fa que as negociacions tamién s’aturen por iste camin.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.