Una Unión Europeya sin Reino Unito ni Hongría

L'alcuerdo achuga por controlar o deficit controlando os presupuestos d'os estaus

David Cameron (Foto: Consello d'Europa)

David Cameron (Foto: Consello d'Europa)

En marzo de 2012 se sinyará un nuevo alcuerdo europeyo en que no estaran Reino Unito ni Hongría, mientres que a Republica Checa y Suecia se son pensando que fer-ne. A la fin, l’alcuerdo afectara a 23 paises, como heba menazau ya Nicolas Sarkozy que heba dito que “l’alcuerdo se sinyará, por 27, por 17 u por os que quieran”.

O nuevo alcuerdo, en que dentraran os paises de l’euro y 6 paises más potenciará as reformas fiscals ta controlar o deficit, os estaus miembros habran de presentar borradors de presupuestos a la Unión.

D’aqui ta marzo se redactarán ixos alcuerdos, que prebaran de creyar un espacio comun de fiscalidat. Ye en iste punto en o qual Reino Unito ye más en contra. David Camero prebó d’introducir o dreito de veto britanico sobre iste punto, y deixar fuera a las islas d’ixe rechimen comun. A la fin, como la resta de paises no querioron aceptar una excepción asinas, Cameron refusó dentrar en ixe alcuerdo.

Atro alcuerdo important ha estau que o Banco Central Europeyo controle o fundo de rescate, que s’enamplará dica  500.000 millons d’euros más en chulio 2012. O BCE tendra poder executiu sobre ixe fundo. Lo que no bi habrá son bonos de rescate comuns ta os paises d’a zona euro, ni ta os 23 que han sinyau ya o prealcuerdo.

A tuca alcordó tamién deixar a o FMI 200.000 millons d’euros ta que pueda contribuyir a os rescates d’a eurozona.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.