Una universidat de Cherusalem publica milenta documentos de Einstein

S'han penchau más de 7.000 fuellas ta prencipiar. Bi ha documentos scientificos y personals.

Albert Einstein (Foto: Yousuf Karsh)
Albert Einstein (Foto: Yousuf Karsh)

Parti d’o legau de Albert Einstein ya se puet viyer on line en un nuevo prochecto que ye desembolicando a Universidat Hebrea de Cherusalem. Más de 7.000 fuellas se han penchau ta prencipiar, trestalladas en materias: relacions con a universidat hebrea, treballo scientifico, vida personal, vida publica y pueblo chodigo.

Entre os documentos se i troba a suya documentación scientifica con as correccions que feba a man, textos sobre o papel d’o pueblo chodigo u mesmo cartas personals a las suyas amants. Mientres l’anyada se irán puyando más documentos dica bells 80.000. Ta ixo, i colaboran a Universidat de Princeton y o Einstein Papers Project (EPP) d’o Instituto Tecnolochico de California.

Os documentos se pueden leyer en a pachina web www.alberteinstein.info, encara que no se pueden descargar porque os dreitos intelectuals continan estando d’a Universidat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.