Una web denuncia as presions ta que os treballadors no faigan vada

Replega testimonios de interpresas que fan dificil que os treballadors puedan exercer o dreito a la vada

Web’29M, huelga general sin miedo’ (29M vada cheneral sin medrana) ye o titol d’una web que preba de replegar os nombres y datos d’as interpresas de tot l’estau que dificultan a os suyos treballadors poder exercer lo dreito de vada o venient 29 de marzo.

En bellas pocas semanas funcionando ya se i han adhibiu muitas interpresas. En a web (29Msinmiedo.tumblr.com) bi ye penchau un formulario a on que qualsiquier, de traza anonima, puet calar-ie os datos d’a interpresa y detalles sobre como se produz a coacción ta privar d’o dreito a los treballadors.

D’Aragón, quasi 20 interpresas i figuran en l’inte d’escribir ista noticia, espardidas por tot lo territorio.

Cobertura d’a vada

O venient 29 de marzo, con motivo d’a vada cheneral, Arredol ferá una cobertura especial de todas as noticias que vaigan surtindo por lo país tocants a iste afer. Mientres tot lo diya, seremos antimás presents, de conchunta con atros meyos periodisticos alternativos en o Centro de Meyas que se meterá en a Plaza d’o Pilar de Zaragoza. O hashtag de twitter esleixiu t’as noticias que se vaigan conoixendo será #vada29m.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.