Unas 700 personas marchan en Escuita por as escuelas rurals y contra os retalles

Una manifestación recorrió as carreras d'Escuita en protesta por os retalles educativos en as Cuencas Mineras

CEIP Antonio Gargallo Moya d'Escuita. Foto: CEIP Antonio Gargallo Moya

CEIP Antonio Gargallo Moya d’Escuita. Foto: CEIP Antonio Gargallo Moya

Arredol de 700 personas se manifestoron ahiere en Escuita a favor d’a educación en o medio rural y contra os retalles d’o gubierno en as Cuencas Mineras. A manifestación heba estau convocada por diversas AMPA de colechios y institutos de lugars d’a comarca (Aliaga, Martín, Mont Albán, Muniesa, Utriellas y Escuita).

A marcha, que saliba dende o colechio publico Antonio Gargallo Moya, yera encabezada por una pancarta a on podeba leyer-se: “Por a educación en o medio rural“. Mientres o recorriu podeban ascuitar-se diferents cantos en favor d’a escuela rural y contra os retalles. A manifestación remató en o Museu Minero d’Escuita, a on se leyó un comunicau conchunto d’as diferents AMPA convocants en que podeba veyer-se o refuse a os retalles en o numero de mayestros como d’unidatz educativas en a comarca minera.

As AMPA dioron treslau d’a perda contina d’unidatz educativas y de mayestros en os zaguers anyos. Pa lo venient curso, s’eliminarán dos unidatz educativas en o CRA d’Aliaga, as dos de primaria, y un puesto de mayestro. En Escuita y Martín se pierde una unidat educativa en primaria y un mayestro en cada centro. En o CRA de Muniesa se perderá una unidat d’infantil y una mayestra. Amás, totz istos centros perderán o primer ciclo d’ESO. Chunto a isto, tamién se denunció a perda progresiva d’os estudios de FP en o medio rural.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.