Unas bacterias siberianas son capables d’existir en l’espacio

Descubiertas en Siberia unas bacterias terrestres que sobrevivirían en l'espacio exterior

permachel

Terreno de permachel. Fuent: Wikipedia

Biologos rusos y norteamericanos troboron en o permachel siberiano unas cepas de bacterias capables de reproducir y vivir en l’espacio cosmico, con escaseza d’oxicheno y temperaturas y presión muit baixas, ha informau a revista Proceedings of the National Academy of Sciences. Os scientificos buscan istas bacterias ta estudiar si as mas resistents podrían sobrevivir en Marte u en planetas extrasolars.

Se creye que as bacterias extremofilas, capables de sobrevivir en temperaturas extremas, con a carencia permanent d’alimentos y d’oxicheno, son prototipo d’os microorganismos “espacials”.

Os autors de l’estudeo realizoron en 2011 una expedición t’a peninsula de Taimir, norte de Siberia, a on foradoron quatro pozos de 40 metros de profundidat de tierra arenosa conchelada. Tot gribando l’arena, descubrioron numerosas bacterias d’a familia carnobacterium.

Una d’istas bacterias estió “reviscolada” en 2005 dimpués d’estar chelada mientres 30.000 anyos.

Os scientificos seleccionoron qualques bacterias aconseguindo multiplicar-las dimpués. Mas tarde las sozmetioron a uns experimentos imitando as condicions de Marte. As bacterias pasoron bien a preba. Siguioron creixendo y reproducindo-se, encara que muit a monico.

“O descubrimiento d’unas bacterias terrestres capables d’existir en temperaturas y presión atmosferica muit baixas y con escaseza d’oxicheno anima a os astrobiologos a buscar vida dillá d’a Tierra”, concluyoron os biologos.

Fuent: http://noticies.sirius.cat/2012/12/uns-bacteris-siberianes-son-capacos.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.