Unas chornadas analizan ‘porque a los aragoneses nos fa goi Irlanda’

Tot lo mes de marzo se ferán actividatz arredol de Irlanda

Cartel IrlandaL’asociación cultural ’20 d’abiento’, en colaboración con ‘Gara d’edizions’ y o Café Dublín han organizau bellas actividatz sobre Irlanda en unas chornadas que durarán d’o 12 dica o 31 d’o mes de marzo.

As chornadas prencipian con una exposición virtual en a pachina web de 20 d’abiento de fotos de tematica irlandesa. Ta fer-la, antimás d’as fotos que tienen prestas, demandan que tot qui quiera en invie. As fotos se meterán en a web, en o facebook y en as pantallas d’o Café Dublín os diyas que se i faigan actos.

O diya 17, Sant Patrick, patrón d’a isla, lo celebrarán con un taller de danzas irlandesas en o vico de Torrero. Bells diyas dimpués, o 22, en o Café Dublín, Chesús Yuste presentará a traducción a l’aragonés d’o suyo libro ‘A gollada d’o bosque’, traduciu  a ista luenga por Pascual Miguel. Antimás d’a presentación se i ferá una rufierta sobre ‘porque a los aragoneses nos fa tanto goi Irlanda’ y bi habrá un concierto de ‘La Pinta del Irlandés’.

O 28 se zarrarán as chornadas con una atra charrada sobre o conflicto politico irlandés, que ferá Diego Marín y una demostración de bailes irlandeses, tamién en o Café Dublín.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.