Uns 115 millons de viudas en tot o mundo plegan en a exclusión social dimpués d’a muerte d’os suyos marius

ONU Mullers ha clamau a adoptar midas pa acabar con a discriminación d'istas personas

2013-06-24_abuso-viudas2

Foto: Radio ONU

S’estima que en o mundo 115 millons d’ixas mullers viven en a pobreza y soportan exclusión social quan mueren os suyos marius. 81 millons son victimas de violencia, a vegadas de man d’os suyos propios familiars.

A ONU celebró ahiere 23 de chunio o Día Internacional d’as Viudas en commemoración d’as cients de millons de mullers que sufren explotación y exclusión quan mueren os suyos marius.

En l’actualidat i hai mas viudas que nunca a causa d’os conflictos armaus, a epidemia d’o VIH y o SIDA y a diferencia d’edat en a parella ya que en numerosos casos s’obliga a ninas a acomodar-se con hombres muito mayors.

En iste sentiu, ONU Mullers clamó a adoptar midas mas estrictas pa acabar con a discriminación a ixas personas.

En un comunicau por o Día, ixe organismo d’a ONU indicó que a muitas viudas se les niegan os suyos dreitos, son sozmesas a desaloixos y no pueden heredar propiedatz. Amás se veyen forzadas a treballar en situacions d’explotación pa sostener a las suyas familias.

Fuent: http://www.cronicadearagon.es/wordpress/?p=42155

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.